شیامن (شِنہوا) چین کے مشرقی صوبہ فوجیان کے شہر شیامن میں 10 واں چین ۔ وسط ایشیا تعاون فورم شروع ہوگیا۔

چینی عوامی سیاسی مشاورتی کانفرنس کی قومی کمیٹی کی نائب چیئرپرسن شین یو ئے یو ئے نے افتتاحی تقریب میں شرکت کی اور مر کزی خطاب سے قبل چینی صدر شی جن پھنگ کا فورم کے نام مبارکباد کا پیغام پڑھ کر سنایا۔

شنگھائی تعاون تنظیم کی اچھی ہمسائیگی ، دوستی اور تعاون کمیشن کی چیئرپرسن شین نے کہا کہ سربراہان مملکت کی اسٹریٹجک رہنمائی میں چین اور وسط ایشیا کے ممالک کے درمیان تعلقات ایک نئے دور میں داخل ہوگئے ہیں۔ یہ فورم چین ۔ وسط ایشیا سربراہ اجلاس میں رہنماؤں کے درمیان طے شدہ اتفاق رائے کو عملی جامہ پہنانے کا ز بردست اقدام ہے۔

شین نے مزید کہا کہ چین اور وسط ایشیائی ممالک کے لئے سیاسی باہمی اعتماد جامع طور پر گہرا کرنے، عملی تعاون وسیع کرنے ، مشترکہ طور پر اعلیٰ معیار کی ترقی کے حصول، لوگوں کے درمیان تبادلوں کو مسلسل وسعت دینے، قریبی بین الاقوامی ہم آہنگی بڑھانے اور مشترکہ مستقبل کے ساتھ چین-وسط ایشیا برادری کے قیام کی ضرورت ہے۔

اس فورم میں وسط ایشیائی ممالک کے رہنماؤں اور سرکاری عہدیداروں اور شنگھائی تعاون تنظیم کے سیکرٹری جنرل سمیت 400 سے زائد افراد نے شرکت کی۔

 تقریب میں شیامن انیشی ایٹو کا اجراء کیا گیا۔