بیجنگ (شِںہوا) چائنہ قومی کمپیوٹر کانگریس 2023 چین کے شمال مشرقی صوبہ لیاؤننگ کے دارالحکومت شین یانگ میں  26 سے 28 اکتوبر تک منعقد ہوگی۔

چائنہ کمپیوٹر فیڈریشن کے مطابق اس تقریب سے عالمی ماہرین، اسکالرز اور کاروباری افراد کو جدید ترین تکنیکی پیشرفت اور صنعتی معلومات کے اشتراک کا موقع ملے گا۔ اس نمائش کا موضوع " ڈیجیٹل بنیادی ڈھانچے کی ترقی اور چین کی ڈیجیٹل تعمیر میں تعاون "ہے۔

کانگریس کے دوران منعقدہ ہونے والے تکنیکی فورمز 30 سے زیادہ شعبوں کا احاطہ کریں گے جن میں مصنوعی ذہانت ، سیکیورٹی ، اور سافٹ ویئر انجینئرنگ شامل ہیں ۔ ان کا مقصد تعلیمی تبادلوں کا فروغ ہے۔

رواں سال تقریب میں 10 ہزار سے زائد افراد کی شرکت متوقع ہے۔ اس کا پہلی بار انعقاد 2003 میں ہوا تھا۔