چھانگ چُھن(شِنہوا)14ویں چین-شمال مشرقی ایشیا ایکسپو چین کے شمال مشرقی صوبہ جیلین کے دارالحکومت چھانگ چُھن میں بدھ کو شروع ہوگئی۔

آن لائن اور آف لائن دونوں طرح سے منعقد ہونے والی پانچ روزہ نمائش نے اندرون و بیرون ملک سے 1 ہزار سے زائد کمپنیوں کو اپنی طرف متوجہ کیا ہے جس میں شمال مشرقی ایشیا کے ممالک کی نمایاں ہیں۔

"مستقبل کے لیے تعاون میں شمال مشرقی ایشیا کی مشترکہ ترقی" کے موضوع پرمنعقدہ اس ایکسپو میں علاقائی تعاون کے بارے میں گول میز کانفرنس، تھنک ٹینک فورم، اور کاروباری سرگرمیوں کا ایک سلسلہ بھی شامل ہوگا۔

نیشنل پیپلز کانگریس کی قائمہ کمیٹی کے وائس چیئرپرسن ہاؤ منگ جن نے افتتاحی تقریب سے خطاب کرتے ہوئے کہا کہ شمال مشرقی ایشیا عالمی ترقی کے لیے سب سے زیادہ متحرک خطوں میں سے ایک ہے جو دنیا میں ٹیکنالوجی کے شعبےکی تحقیق وترقی کی بہترین صلاحیتوں کا حامل ہے۔

 ہاؤمنگ جن نے کہا کہ خطے کے ہر ملک کے اپنے اپنے اقتصادی فوائد اور مخصوص خصوصیات ہیں جبکہ چین علاقائی تعاون کو نئی بلندیوں تک لے جانے کے لیے متعلقہ ممالک کے ساتھ مل کر کام کرنے کا خواہشمند ہے۔