بیجنگ(شِنہوا) چین کی وزارت انصاف نے کہا ہے کہ ملک میں شہری اور دیہی علاقوں کے ساتھ ساتھ اہم شعبوں کا احاطہ کرنے والی عوامی ثالثی تنظیموں کا ایک نیٹ ورک بڑی حد تک تشکیل پا چکا ہے جہاں 2022 میں مختلف نوعیت کے 1 کروڑ 49 لاکھ 40 ہزار  تنازعات کی ثالثی کی گئی ہے۔

وزارت اور پانچ دیگر محکموں نے 2018 کے بعد سے لوگوں کے ثالثی کے کام کو ادارہ جاتی اور معیاری بنانے کو فروغ دینے کے لئے رہنما خطوط اور معیارات جاری کیے ہیں۔

اس وقت چین میں 31 لاکھ 80 ہزار  افراد ثالث ہیں جن میں 4 لاکھ 12 ہزار کل وقتی ثالث بھی شامل ہیں۔

وزارت کے مطابق لوگوں کی ثالثی کی بناء پر بنیادی طور پر چین میں ثالثی  کا نظام تشکیل دیا گیا ہے جس میں لوگوں کی ثالثی، انتظامی ثالثی، صنعت سے متعلق پیشہ ورانہ ثالثی اور عدالتی ثالثی ایک دوسرے کی تکمیل کرتے ہیں۔

تنازعات کے مئوثر حل کو یقینی بنانے میں مدد کے لئے  وزارت نے صحت کی دیکھ بھال ، سڑک ٹریفک ، مزدوروں کے  تنازعات اور جائیداد کے انتظام جیسے شعبوں میں پیشہ ورانہ ثالثی کے کام کو مسلسل فروغ دیا ہے  اور انٹرنیٹ ، دانشورانہ ملکیت کے حقوق ، مالیات اور انشورنس  اور صارفین کی سیاحت کو بھی شامل کرنے کے لئے اپنی کوششوں کو وسعت دی ہے۔