بیجنگ (شِںہوا) چین کے شہری ہوا بازی کے شعبے میں مارچ کے دوران پائیدار ترقی دیکھنے میں آئی ہے۔

چین میں قائم سول ایوی ایشن ڈیٹا سروس مہیا کرنے والی کمپنی ویری فلائٹ کی جاری کردہ ایک رپورٹ کے مطابق گزشتہ ماہ اندرون ملک پروازوں کی تعداد اوسطاً یومیہ 11 ہزار 657 رہی جو گزشتہ برس کی نسبت 133.52 فیصد زائد ہے۔

یہ اعداد و شمار 2019 کی اسی مدت کی نسبت 3 فیصد اضافہ بھی ظاہر کرتے ہیں۔

بین الاقوامی پروازوں کی اوسط یومیہ 589 رہی جو فروری کے مقابلے میں 43.07 فیصد زائد ہے۔

رپورٹ کے مطابق سالانہ ایک کروڑ زائد مسافروں کی آمدورفت والے ہوائی اڈوں میں سے چین کے جنوبی صوبہ گوانگ ڈونگ کے گوانگ ژو بائی یون بین الاقوامی ہوائی اڈے پر گزشتہ ماہ سب سے زیادہ پروازوں کی آمدورفت رہی جبکہ شنگھائی پوڈونگ بین الاقوامی ہوائی اڈے پر سب سے زیادہ بین الاقوامی پروازوں کی آمدروفت ہوئی۔