بیجنگ (شِنہوا) چین اپنے شہروں کے ماحول کا جائزہ لینے اور اسے بہتر بنانے کے لیے پریفیکچر کی سطح  اور اس سے اوپر کے شہروں میں ایک چیک اپ مہم چلائے گا۔

چین کی ہاؤسنگ اور شہری ودیہی ترقی کی وزارت کے جاری رہنما اصولوں میں کہا گیا ہے کہ اس مہم سے شہری ڈھانچے،شہری سرگرمیوں کو بہتر بنانے اور شہری زندگی کے معیار کو بلند کرنے کے ساتھ ساتھ رہنے کے قابل، لچکدار اور سمارٹ شہروں کی تعمیر  میں مدد ملے گی۔

دستاویز کے مطابق ایسی کمزوریوں کی نشاندہی کرنے کی کوشش کی جانی چاہیے جو شہری مسابقت اور پائیدار ترقی کے عمل کو متاثر کرتی ہیں۔

اس میں مزید کہا گیا کہ متعلقہ اضلاع اور محکموں کو جائزہ مہم کے دوران سامنے آنے والے مسائل خاص طور پر حفاظت، صحت اور عوامی تشویش کے مسائل  کوحل کرنے کے لیے مخصوص اور فوری اقدامات کرنے چاہئیں۔