بیجنگ (شِنہوا) کمیونسٹ پارٹی آف چائنہ (سی پی سی) کے ایک سینئر عہدیدار نےقانون کے سخت اور درست نفاذ کو یقینی بنانے کے لئے مزید کوششوں پر زور دیا ہے۔
سی پی سی کی مرکزی کمیٹی کے سیاسی بیورو کے رکن اور سی پی سی کی مرکزی کمیٹی کے کمیشن فار پولیٹیکل اینڈ لیگل افیئرز کے سربراہ چھن وین چھنگ نے یہ بات ایک اجلاس کی صدارت کرتے ہوئے کہی۔
اجلاس میں کہا گیا کہ عدالتی، استغاثہ اور پبلک سیکورٹی اداروں کی جانب سے قانون کے سخت نفاذ نے تیز رفتار معاشی ترقی اور طویل مدتی سماجی استحکام میں اہم کردار ادا کیا ہے۔
اس میں زور دیا گیا کہ سوشلسٹ مارکیٹ کی معیشت کے نظم و نسق میں خلل ڈالنے ، سماجی انتظامیہ کے نظم و نسق کو خراب کرنے اور شہریوں کے حقوق کی خلاف ورزی جیسے جرائم پر قانون کے مطابق سزا دی جانی چاہئے۔
اجلاس میں عدالتی، استغاثہ اور پبلک سیکورٹی اداروں پر زور دیا گیا کہ وہ قانون نافذ کرنے والے اداروں کو مزید معیاری بنائیں۔
