بیجنگ (شِنہوا) چین کی وزارت قدرتی وسائل نے کہا ہے کہ ملک کی سمندری معیشت نے پہلی سہ ماہی کے دوران ترقی کی حامی حکمت عملی  کی حمایت کرتے ہوئے مضبوط بحالی کی رفتار حاصل کی ہے۔

وزارت کے اعداد و شمار کے مطابق ملک کی مجموعی سمندری پیداوار پہلے تین مہینوں میں گزشہ سال کی نسبت 5.1 فیصد بڑھ کر 23 کھرب  یوآن (تقریباً 332.78 ارب امریکی ڈالرز) ہوگئی  جو جی ڈی پی کا 8.2 فیصد ہے۔

پہلی سہ ماہی میں آف شور خام تیل اور قدرتی گیس کی پیداوار میں ایک سال قبل  کے مقابلے میں بالترتیب 3.8 فیصد اور 6.5 فیصد اضافہ ہوا۔

نیشنل میرین ڈیٹا اینڈ انفارمیشن سروس کے ڈپٹی ڈائریکٹر کوئی شیاؤجیان نے کہا کہ روایتی سمندری صنعت میں پہلے تین مہینوں میں مستحکم ترقی ہوئی  جس سے سمندری معیشت کی بحالی میں مدد ملی ہے۔

کوئی نے مزید کہا کہ چین کی سمندری معیشت میں دوسری سہ ماہی کے دوران ترقی میں اضا فے کی رفتار کو برقرار رکھنے کی توقع ہے کیونکہ حکمت عملی کے اثرات زیادہ نظر آئیں گے اور صنعتی تبدیلی اور اپ گریڈیشن کی رفتار تیز ہوگی۔