بیجنگ (شِںہوا) چین کے بڑے صنعتی اداروں  کے مشترکہ منافع میں اکتوبر کے دوران مسلسل تیسرے ماہ اضافہ ہوا ہے۔

قومی ادارہ برائے شماریات کے مطابق کم از کم 2 کروڑ یوآن (تقریباً 28 لاکھ 10 ہزار امریکی ڈالرز) کی سالانہ کاروباری آمدن والے  بڑے صنعتی اداروں کے منافع میں گزشتہ برس کی نسبت 2.7 فیصد اضافہ ہوا۔

خام مال کی پیداوار کا شعبہ 22.9 فیصد منافع میں زبردست اضافے کے ساتھ ترقی کی دوڑ میں سب سے آگے رہا جبکہ ڈاؤن اسٹریم طلب کی بحالی کے سبب مجموعی طور پر قیمتوں میں اضافہ ہوا۔

حکومت کی سازگار پالیسیوں کے سبب صارفین کی مارکیٹ میں تیزی رہی اور روزمرہ استعمال کی اشیاء بنانے والوں کے منافع میں ایک برس قبل کے مقابلے میں 2.2 فیصد کا مستحکم اضافہ ہو جو مسلسل 3 ماہ سے جاری ہے۔

سازوسامان کی پیداوار، بجلی، قدرتی گیس اور پانی کی فراہمی سمیت دیگر صنعتوں کے منافع میں بھی گزشتہ ماہ اضافہ ہوا۔

رواں سال کے ابتدائی 10 ماہ میں بڑے صنعتی اداروں کے منافع میں 7.8 فیصد کمی ہوئی جس سے جنوری تا ستمبر کی مدت کے مقابلے میں 1.2 فیصد پوائٹنس کی کمی  ظاہر ہوتی ہے۔

 بیورو کی زیرانی چین کے 41 صنعتی درجہ بندی میں سے 70 فیصد سے زیادہ کا منافع بہتر ہوا۔