بیجنگ (شِنہوا) چین کے ایک اہم معاشی اشار یے ویلیو ایڈڈ صنعتی پیداوار میں اپریل کے دوران گزشتہ سال کی نسبت 5.6 فیصد اضافہ ہوا ہے۔

چین کے قومی ادارہ شماریات کے اعداد و شمار کے مطابق نمو کی شرح مارچ کے مقابلے میں 1.7 فیصد پوائنٹس زیادہ تھی۔

ادارہ شماریات کے مطابق اپریل میں صنعتی پیداوار عمومی طور پر مستحکم رہی اور آلاتی پیداوار کے شعبے میں تیز رفتار ترقی ہوئی۔

صنعتوں کے اعداد و شمار کے مطابق مینوفیکچرنگ شعبے کی پیداوار میں گزشتہ سال کے اسی عرصے کے مقابلے میں 6.5 فیصد اضافہ ہوا ہے جبکہ بجلی، حرارت، گیس اور پانی کی پیداوار اور فراہمی میں 4.8 فیصد اضافہ ہوا ہے۔

ادارہ شماریات کے مطابق ملکیت کے لحاظ سے ریاست کے زیر انتظام کاروباری اداروں کی پیداوار میں 6.6 فیصد اضافہ ہوا ہے جبکہ نجی شعبے کی پیداوار 1.6 فیصد زیادہ ہوئی ہے۔

مصنوعات کی اقسام کے لحاظ سے نئی توانائی گاڑیوں اور سولر سیلز کی پیداوار میں گزشتہ سال کی نسبت بالترتیب 85.4 فیصد اور 69.1 فیصد اضافہ ہوا ہے۔

سال کے پہلے چار مہینوں میں چین کی ویلیو ایڈڈ صنعتی پیداوار 3.6 فیصد بڑھی ہے جو پہلی سہ ماہی کے مقابلے میں 0.6 فیصد پوائنٹس تیز ہے۔