ارمچی (شِںہوا) چین کے شمال مغربی سنکیانگ ویغور خود اختیار خطے کی بیرونی تجارت کا حجم رواں سال جنوری سے اکتوبر کے دوران 287.3 ارب یوآن (تقریباً 40.2 ارب امریکی ڈالر) رہا جو گزشتہ برس کی نسبت 48.9 فیصد زائد ہے۔

ارمچی کسٹمز کے مطابق اس عرصے میں بیلٹ اینڈ روڈ شراکت دار ممالک کے ساتھ سنکیانگ کی تجارت گزشتہ برس کی نسبت 51 فیصد اضافے سے 270.1 ارب یوآن تک پہنچ گئی جو خطے کی کل تجارت کا 94 فیصد ہے۔

قازقستان اس مدت کے دوران سنکیانگ کا سب سے بڑا تجارتی شریک رہا جس کے ساتھ تجارتی حجم میں گزشتہ برس کی نسبت 72.3 فیصد اضافہ ہوا۔

کسٹمز کے مطابق سنکیانگ کی اہم برآمدات مزدوری میں استعمال ہونے والی اشیاء ، مکینیکل اور الیکٹریکل مصنوعات تھیں ۔ الیکٹرک مسافر کاروں اور سولر سیلز سمیت اعلیٰ ویلیو ایڈڈ مصنوعات کی برآمدات میں نمایاں اضافہ ہوا اور ان کا برآمدی حجم بالترتیب 361.1 فیصد اور 247 فیصد بڑھ گیا۔