ارمچی(شِنہوا) چین کے شمال مغربی سنکیانگ ویغور خود اختیار علاقے کی رواں سال کی پہلی سہ ماہی میں غیر ملکی تجارت کا حجم گزشتہ سال کے مقابلے میں 80.3 فیصد اضافے کے ساتھ 68ارب7کروڑ یوآن (تقریباً 10 ارب ڈالر) ہو گیا۔

ارمچی کسٹمز کے مطابق، سنکیانگ کے تجارتی شراکت دار مزید متنوع ہوئے ہیں۔ اس عرصے کے دوران، پانچ وسطی ایشیائی ممالک قازقستان، کرغزستان، تاجکستان، ترکمانستان اور ازبکستان کے ساتھ خطے کی تجارت مجموعی طور پر 53ارب 18کروڑ یوآن رہی،جو گزشتہ سال سے84.5 فیصد زیادہ ہے۔

بیلٹ اینڈ روڈ کے ساتھ واقع ممالک کے ساتھ سنکیانگ کی مجموعی تجارت گزشتہ سال سے  77.4 فیصد اضافے سے 61ارب 88کروڑ یوآن، جامع اقتصادی شراکت داری( آر سی ای پی) کے دیگر علاقائی ممالک کے ساتھ گزشتہ سال سے 16.6 فیصد اضافے سے 2ارب83کروڑ یوآن تک پہنچ گئی۔ یورپی یونین کے ساتھ خطے کی تجارت1ارب85کروڑ یوآن رہی جو 54.4 فیصد زیادہ ہے۔

خطے کے محکمہ تجارت کے ڈپٹی ڈائریکٹر ہی گو چھنگ نے کہا کہ اس سال کے آغاز سے سنکیانگ میں 11 ہائی وے بندرگاہوں پر مسافروں اور براہ راست مال بردار ٹریفک کی بحالی میں مسلسل اضافہ ہوا۔ پہلے تین ماہ میں، ہائی وے بندرگاہوں کی مجموعی برآمدی مال برداری کا حجم9لاکھ 97ہزارٹن رہا، جو گزشتہ سال سے 105.9 فیصد زیادہ ہے، جبکہ زمینی بندرگاہوں پر درآمدی سامان کا حجم 152.1 فیصد اضافے سے6لاکھ 70ہزار ٹن رہا۔