ارمچی (شِنہوا) چین کے شمال مغربی سنکیانگ ویغور خوداختیارخطے میں اکسو پریفیکچر کی شایا کاؤنٹی میں پیر کی صبح 7 بجکر 49 منٹ پر زلزلے کے جھٹکے محسوس کیے گئے ہیں۔

چائنہ زلزلہ نیٹ ورک مرکز (سی ای این سی) کے مطابق زلزلے کا مرکز 40.01 ڈگری شمالی عرض بلد اور 82.29 ڈگری مشرقی طول بلد پر 50 کلومیٹر گہرائی میں تھا۔

مقامی حکام کے مطابق زلزلے کا مرکز الائر شہر سے 105 کلومیٹر اور شایا کاؤنٹی سے 141 کلومیٹر دور ایک غیر آباد علاقے میں واقع ہے۔

زلزلے کے جھٹکے پورے علاقے میں محسوس کئے گئے تاہم اس سے کسی جانی یا مالی نقصان کی اطلاع نہیں ملی ہے۔

اب تک 15 گاڑیاں اور 70 امدادی کارکن متاثرہ علاقے میں پہنچ چکے ہیں۔ کاؤنٹی میں فائر اینڈ ریسکیو ڈیپارٹمنٹ کے 10 افراد پر مشتمل ایک ٹیم 2 گاڑیوں کے ساتھ زلزلے کے علاقے میں چھان بین کررہی ہے۔

زلزلے سے مقامی پاور گرڈ آپریشن، تیل اور گیس کی پیداوار اور اہم پیٹرو کیمیکل ادارے متاثر نہیں ہوئے۔