گوئی یانگ (شِنہوا) چین کے جنوب مغربی صوبہ گوئی ژو میں مرچ مقامی کھانوں میں روح کی حیثیت رکھتی ہے۔ وہ ہر پکوان میں ایک لازمی جزو ہے اور اس ناگزیر مصالحے دار ذائقہ کے بغیر کھانے نامکمل رہتے ہیں۔
یہاں تک کہ سبز یوں کے شو قین افراد کے لئے ابلا ہوا سبز خربوزہ اور پھلیاں، روایتی طور پر ذائقہ دار مرچ میں ڈوبی چٹنی کے ساتھ پیش کیے جاتے ہیں۔
صبح سویرے جب زونی شہر بیدار ہوتا ہے تو وہاں کے چھوٹے اور بڑے ریستوران بکرے کا گوشت چاول نوڈلز پیش کرتے ہیں۔
ایک مشہور پکوان چاول نوڈلز کا گرم پیالہ ہے جو مرچ سے بھرے سرخ تیل میں تیررہا ہوتا ہے۔
یہ ان افراد میں خاص طور پر مقبول عام ہے جو چاول نوڈلز کے انوکھے ذائقے سے لطف اندوز ہوتے ہیں۔ اس پکوان میں مرچ کی چمک کو اکثر بکرے کے گوشت پر فوقیت حاصل ہوتی ہے۔
زونی شہر کے قصبے یونگ شینگ میں "مٹن رائس نوڈل ریستوران" کے ما لک نے بتایا کہ مرچ کا استعمال زونی کے لوگوں کی بھوک مٹانے کے لئے بہت ضروری ہے اور صرف کھانے کی ضرورت پوری کرنے سے ہی ان کے حوصلے بلند رہ سکتے ہیں۔ چاول جیسے بنیادی کھانے کا استعمال بعض اوقات قابل انتظام ہوسکتا ہے لیکن مرچ کی عدم موجودگی کا تصور بھی نہیں کیا جاسکتا۔
مچھلی اور ہاٹ پاٹ کے ساتھ مصالحہ دار اور کھٹے سوپ سے لیکر نائٹ مارکیٹ میں کباب تک، مرچیں ان لذیذ پکوانوں کا لازمی حصہ ہیں ۔ چاہے وہ پیسٹ کالی مرچ، اچار والی مرچ، تیل مرچ، یا بھنی ہوئی کالی مرچ کی شکل میں ہو۔ مرچ کی متنوع اقسام مقامی کھانوں میں ایک الگ اور پسندیدہ ذائقہ شامل کرتی ہے۔
تاریخی ریکارڈ کے مطابق گوئی ژو میں مرچوں کا استعمال 400 برس سے زائد عرصے سے کیا جارہا ہے جو اس خطے میں مصالحے دار اجزاء کی ایک دیرینہ روایت کی نشاندہی کرتا ہے۔
مرچیں نہ صرف کھانے پینے کی اشیاء کو پرکشش بنارہی ہیں بلکہ معیشت کو بھی متاثر کررہی ہیں۔ زونی شہر میں ایک مشہور قصبہ شیا زی ہے جسے "چینی مرچ شہر " بھی کہا جاتا ہے ۔یہ ایک مصروف علاقہ ہے جو تجارتی مرکز کے طور پر کام کرتا ہے ۔یہاں کالی مرچ کے کاروبار کرنے والے روزانہ جمع ہوتے ہیں۔
یہاں موسم گرما میں تازہ مرچوں کی خرید و فروخت کی جاتی ہیں جس کے دوران پورا "کالی مرچ شہر" ایک متحرک "سرخ سمندر" کا منظر پیش کرنے لگتا ہے۔ مرچ کے ہزاروں بیوپاری یہاں جمع ہوتے ، کاروباری مواقع تلاش کرتے اور خطے کی معاشی زندگی میں حصہ لیتے ہیں ۔
شیازی میں "کالی مرچ شہر" وقت کے ساتھ ساتھ بنا ہے ۔ تجارت کے ابتدائی دنوں میں ہرشے بکھری ہوئی تھی لیکن وقت کے ساتھ ایک پیشہ ور مرچ منڈی بن گیا ۔ اب یہ مرکزی تجارتی مرکز کے طور پر کام کرتا ہے جس میں بِگ ڈیٹا مر اکز ، مالیاتی خدمات مراکز ، لاجسٹک تقسیم مراکز ، معائنہ اور قرنطینہ مراکز شامل ہیں۔
