بیجنگ (شِںہوا) سول ایو ی ایشن ایڈ منسٹریشن آف چا ئنہ کے مطابق بین الاقوامی شہری ہوابازی میں غیر قانونی اقدامات کو روکنے بارے ضابطے اتوار سے نافذ العمل ہوگئے ۔

بیجنگ میں 2010 میں بین الاقوامی شہری ہوا بازی تنظیم کے زیر اہتمام منعقدہ فضائی قانون پر عالمی کانفرنس میں ان ضابطوں کی منظوری دی گئی تھی۔ اکتوبر 2022 میں 13 ویں قومی عوامی کانگر یس کی قائمہ کمیٹی کے 37 ویں اجلاس میں اس کی توثیق کی گئی ہے ۔

ضابطوں کے تحت شہری ہوا بازی تحفظ کو خطرے میں ڈالنے والے ایسے غیر قانونی اقدامات جرائم تصور ہوں گے جو یا تو ہوچکے ہیں یا مستقبل میں ہوسکتے ہیں۔

اس میں معاہدہ کرنے والے فریقین پر زور دیا گیا ہے کہ وہ ضابطوں میں شامل جرائم پر سخت سزائیں نافذ کریں۔

سول ایو ی ایشن ایڈ منسٹریشن آف چا ئنہ نے کہا ہے کہ یہ دستاویز بین الاقوامی ایوی ایشن سیکیورٹی کنونشنز کا نظام بہتر بنانے اور شہری ہوابازی میں سلامتی کو مضبوط بنانے میں موزوں ہے۔ یہ چین کی فضائی نقل و حمل کی صنعت میں محفوظ اور صحت مند ترقی کو یقینی بنانے میں مثبت کردار ادا کرے گی۔

اب تک دنیا کے 46 ممالک اور خطے ان ضابطوں کی توثیق کرچکے ہیں جن میں چین، روس ، فرانس ، جرمنی اور سنگاپور شامل ہیں۔