بیجنگ (شِنہوا) چین میں سونے کی پیداوار اور کھپت میں رواں سال کی پہلی ششماہی کے دوران مستحکم اضافہ ہوا ہے۔

چائنہ گولڈ ایسوسی ایشن کے اعداد و شمار کے مطابق اس عرصے کے دوران ملک میں تقریباً178.6 ٹن سونا پیدا ہوا جو گزشتہ سال کی نسبت 2.24 فیصد اضافہ ہے۔

ایسوسی ایشن کے مطابق جنوری سے جون کے عرصے میں چین میں سونے کی کھپت 554.88 ٹن تک پہنچ گئی جو گزشتہ سال کی نسبت 16.37 فیصد زیادہ ہے۔

چین میں سونے کے زیورات کی کھپت ایک سال قبل کے مقابلے میں 14.82 فیصد اضافے کے ساتھ 368.26 ٹن رہی جبکہ سونے کے سکوں اور اینٹوں  کی کھپت گزشتہ سال کی نسبت 30.12 فیصد اضافے کے ساتھ پہلے 6 ماہ کے دوران 146.31 ٹن رہی۔

چائنہ گولڈ ایسوسی ایشن کے مطابق اسی عرصے کے دوران صنعتی اور دیگر استعمال کے لیے سونے کی کھپت ایک سال قبل کے مقابلے میں 7.65 فیصد کم ہوکر 40.31 ٹن رہ گئی۔

اعداد و شمار کے مطابق 2023 کی پہلی ششماہی کے دوران  سرمایہ کاروں نے 2022 کے اختتام سے سونے کی حمایت یافتہ ایکسچینج ٹریڈڈ فنڈز (ای ٹی ایف) کے اپنے حصص میں 1.26 ٹن کی کمی کی ہے۔

چینی مارکیٹ میں جون 2023 کے اختتام تک  سونے کے ای ٹی ایف کی مجموعی ہولڈنگ تقریباً50.16 ٹن تھی۔