بیجنگ (شِںہوا) چین نے غیر ملکی تجارت کی نمو کے فروغ میں اپنی تازہ ترین پیشکش کے تحت مزید 33 شہروں اور خطوں میں سرحد پار ای کامرس کے لئے جامع آزمائشی علاقے قائم کرنے کی منظوری دیدی ہے۔

یہ اس قسم کے آزمائشی علاقوں کی 7 ویں کھیپ ہے جس کے بعد ملک بھر میں ان کی تعداد 165 ہوگئی ہے۔

سرحد پار ای کامرس کے جامع آزمائشی علاقوں کی تازہ ترین کھیپ میں شامل علاقے چین کے وسطی اور مغربی علاقوں کے ساتھ ساتھ ملک کے سرحدی علاقوں میں واقع ہیں۔

توقع ہے کہ آزمائشی علاقے روایتی صنعتوں کی تبدیلی اور اپ گریڈنگ آسان کرنے اور غیر ملکی تجارت کو بہتر بنانے اور اس کی بہتری میں مدد کریں گے۔

حالیہ برسوں میں سرحد پار ای کامرس تجارت میں تیزی سے اضافہ ہوا ہے۔ اس کا تجارتی حجم گزشتہ 5 برس میں تقریباً 10 گنا بڑھ کر 2021 میں 19.2 کھرب یوآن (تقریباً 269.14 ارب امریکی ڈالرز) ہوگیا تھا۔

 2022 کی پہلی ششماہی میں اس تجارتی حجم میں گزشتہ برس کی نسبت 28.6 فیصد اضافہ ہوا۔