بیجنگ (شِنہوا) کمیونسٹ پارٹی آف چائنہ (سی پی سی) کی مرکزی کمیٹی کے تائیوان ورک آفس کے ترجمان نے تائیوان کی آزادی کے علیحدگی پسند بی خیم ہسیاؤ کے خلاف پابندیوں کے اقدامات کا اعلان کیا ہے۔
ترجمان نے جمعہ کے روز کہا کہ ہسیاؤ کو غیر ملکی حمایت حاصل ہے اور وہ آزادی کے ایجنڈے کے لئے امریکی حمایت کا متلاشی ہے تاکہ آبناے تائیوان میں جان بوجھ کر تصادم کو بھڑکایا جائے اور آبنائے پار امن اور استحکام کو نقصان پہنچایا جائے جس نے اس کی تائیوان آزادی کی سوچ کو مزید بے نقاب کیا ہے۔
ترجمان نے کہا کہ مین لینڈ نے مزید پابندیاں عائد کرنے کا فیصلہ کرتے ہوئے ہسیاؤ اور اس کے اہل خانہ کو مین لینڈ ، ہانگ کانگ اور مکاؤ کے خصوصی انتظامی علاقوں میں داخل ہونے سے سختی سے روک دیا ہے۔
اس کے مالی معاونین اور متعلقہ کاروباری اداروں پر مین لینڈ تنظیموں اور افراد کے ساتھ تعاون کرنے پر پابندی عائد کردی گئی ہے۔
انہوں نے مزید کہا کہ قانون کے مطابق تاحیات احتساب کو یقینی بنانے کے لئے دیگر تمام ضروری تادیبی اقدامات اٹھائے جائیں گے۔
ترجمان نے کہا تاریخ نے ثابت کیا ہے اور کرتی رہے گی کہ تائیوان کی آزادی کی تحریک کا خاتمہ ہو گا اور بیرونی قوتوں پر انحصار کرنے والے تائیوان کی آزادی کے علیحدگی پسندوں کی بے رحمانہ اشتعال انگیزی یقینی طور پر ناکام ہو جائے گی۔
ترجمان نے مزید کہا کہ کسی بھی فرد یا طاقت کو چین کی خودمختاری اور علاقائی سالمیت کے تحفظ کے لیے ہمارے مضبوط عزم اور صلاحیت کو نظر انداز نہیں کرنا چاہیے۔
