بیجنگ (شِنہوا) چین نے طوفان ڈوکسوری سے شدید متاثرہ علاقوں میں تباہ شدہ تحفظ آبی ذخائر کی مرمت کے لیے 1.5 ارب یوآن (تقریباً 20 کروڑ 95 لاکھ 70 ہزار امریکی ڈالرز) مختص کردیئے ہیں۔

وزارت خزانہ اور وزارت آبی وسائل کے مطابق یہ فنڈز 13 صوبائی سطح کے علاقوں میں خرچ کئے جائیں گے جن میں بیجنگ، تیان جن، ہیبے ، شنشی ، اندرون منگولیا، لیاؤننگ، جیلن، حئی لونگ جیانگ ، ژے جیانگ، انہوئی، فوجیان، ہینان اور گوانگ ڈونگ شامل ہیں۔

حالیہ دنوں میں کچھ دریاؤں کی سطح انتباہ کے نشان سے تجاوز کرچکی ہے، دریائے ہائی ہی طاس میں طوفان ڈوکسوری سے سیلاب آیا جس سے کچھ علاقوں میں تحفظ آب کے ذخائر کو شدید نقصان پہنچا ۔

رواں ماہ کے اوائل میں دونوں وزارتوں نے طوفان سے متاثرہ افراد کی زندگی اور پیداواری نظام کی بحالی میں مدد کے لیے دو مرتبہ رقم مختص کی تھی۔