بیجنگ (شِنہوا) چین اپنی عوامی ثقافتی خدمات کی اعلیٰ معیار کی ترقی کے فروغ کے لئے آئندہ ماہ سے ثقافتی مراکز اور لائبریریز کے لئے سالانہ کانفرنس کا آغاز کرے گا۔
ثقافتی مراکز کے لئے سالانہ کانفرنس کا انعقاد چین کے شمالی اندرون منگولیا خود اختیار خطے کے باؤ تو میں 4 سے 5 ستمبر کے درمیان کیا جائےگا۔لائبریریز کے لئے سالانہ کانفرنس چین کے وسطی صوبہ ہینان کے ژ ینگ ژو میں 15 سے 16 ستمبر تک منعقد ہو گی۔
وزارت ثقافت و سیاحت کے مطابق لائبریریز کے لئے سالانہ کانفرنس میں نصابی تقاریب کا سلسلہ شامل ہو گا جس میں ڈیجیٹل چائنہ اینی شیٹو اور سمارٹ لائبریریزجیسے معروف موضوعات توجہ کا مرکز ہوں گے۔
وزارت ثقافت و سیاحت نے مزید بتایا ہے کہ ثقافتی مراکز کے لئے سالانہ کانفرنس کے دوران متعدد موضوعات پر مشتمل فورمز کا انعقاد کیا جائے گا جس میں عوامی ثقافتی سرگرمیوں کی برانڈنگ، عمدہ روایتی ثقافت کی وراثت وترقی اور ثقافتی مراکز کی ذہین تبدیلی شامل ہے۔
