نان جنگ ( شِنہوا) چین کے مشرقی صوبہ جیانگ سو کے شہر ژین جیانگ میں جیانگ سو کے دوسرے ذہنی کھیلوں کے مقابلوں کا آغاز ہوا۔

جیانگ سو سے 109 ٹیمزکے ساتھ تقریب کا مقصد شطرنج، برج، ڈارٹس، روبکس کیوب اور کارڈ گیمز جیسے مقابلوں کے ذریعے جسمانی طاقت کی بجائے ذہنی مضبوطی جانچنا تھا۔

 کھلاڑیوں، کوچز اور ریفریز سمیت 3 ہزار سے زائد لوگوں نے کھیلوں میں شرکت کی۔

صوبائی محکمہ کھیل کے ایک عہدیدار ژو لنگ می نے کہا ہے کہ ہر چار سال بعد منعقد ہو نے والی تقریب نے جیانگ سو میں بڑے پیمانے پر ذہنی کھیلوں کی ترقی کا مظاہرہ کیا ہے۔

انہوں نے مزید کہا کہ شرکا میں شامل بزرگ شخصیت کی عمر 75 سال جبکہ سب سے کم عمر  صرف 5 سال ہے۔

ژو نے کہا کہ جیانگ سو میں کئی پرائمری اور سیکنڈری اسکولوں نے شطرنج کے کورسز متعارف کرائے ہیں۔ طلبا شطرنج کھیل کر اپنے سوچنے کی صلاحیت اور حافظے میں اضافہ کر سکتے ہیں جس کے باعث شطرنج کا کھیل طلبا اور والدین میں مقبول ہے۔

جیانگ سو میں کالج کے طلبا میں ڈارٹس کا کھیل بھی بہت مشہور ہوا ہے۔ صوبے کی 40 سے زائد جامعات ڈارٹس کا کورس پیش کر رہی ہیں۔