تیان جن (شِنہوا) چین نے نوول کرونا وائرس کی روک تھام کے اقدامات کو بہتر بنایا ہے جس کے بعد چین کی شمالی تیان جن بندرگاہ پر رواں سال کے ابتدائی 2 ماہ کے دوران غیرملکی تجارت میں زبردست اضافہ ہوا ہے۔ 

مقامی کسٹمز کے مطابق جنوری۔ فروری کی مدت میں بندرگاہ کی غیرملکی تجارت گزشتہ برس کی نسبت 19.1 فیصد بڑھ کر 309.26 ارب یوآن (تقریباً 44.99 ارب امریکی ڈالرز) ہوگئی۔ یہ بندرگاہ چین کی 10 بڑی بندرگاہوں میں سر فہرست ہے۔

تیان جن کسٹمز کے مطابق بیلٹ اینڈ روڈ سے منسلک ممالک کے ساتھ اس کی تجارت 107.22 ارب یوآن رہی جو گزشتہ برس کی نسبت 38.8 فیصد زائد ہے۔

علاقائی جامع اقتصادی شراکت داری کے دیگر ارکان کے ساتھ مجموعی تجارت 20.3 فیصد اضافے سے 101.16 ارب یوآن رہی۔

اس عرصے میں جنوب مشرقی ایشیائی اقوام کی تنظیم ، یورپی یونین، امریکہ، آسٹریلیا اور جنوبی کوریا بندرگاہ کے 5 بڑے تجارتی شریک تھے۔