تیاجن (شِںہوا) چین کی شمالی بلدیہ تیاجن کی ایک بندرگاہ پرباہاماس میں اندراج شدہ ایک کروز جہاز لنگر انداز ہو گیا جو کہ شہر میں کروز سیاحتی صنعت کی امید افزا بحالی کا اشارہ ہے۔

کروز کمپنی اڈورا کروزیز کے مطابق اس جہاز کا نام "میڈیٹیرینیا" ہے  جو 30 ستمبر کو بین الاقوامی کروز روٹ پر روانہ ہوگا جس میں تیان جن ان کی ہوم پورٹ ہوگی۔

مقامی حکام نے بندرگاہ میں داخلے کے لئے تمام ضروری رسمی کارروائیاں مکمل کرنے میں 900 سے زیادہ چینی اور غیر ملکی عملے کی مدد کی تاکہ جہاز مئو ثر طریقے سے لنگرانداز ہوسکے۔

تیان جن میں جولائی کے دوران کروز جہاز "ڈریم" لنگر انداز ہوا تھا۔ لائبیریا میں امدراج شدہ اس جہاز میں ایک ہزار سے زائد کیبن تھے اور اس میں 2  ہزار سے زائد مسافروں کی گنجائش تھی۔

تیان جن کی کروز سیاحت کے شعبے میں 2 کروز جہازوں کے سفر وبائی امراض کے بعد بحالی کی علامت ہیں۔

چین کے شمال میں واقع کروز کی سب سے بڑی بندرگاہ تیان جن انٹرنیشنل کروز ہوم پورٹ پر 880 سے زائد بین الاقوامی کروز جہاز لنگرانداز ہوچکے ہیں  جس کے ذ ریعےاندرون و بیرون ملک جانے والے 42 لاکھ 60 ہزار سے زائد مسافروں کو نمٹایا گیا ہے۔

چین کی وزارت ٹرانسپورٹ نے  منگل کے روز ملک کی بندرگاہوں سے بین الاقوامی کروز شپ ٹرانسپورٹ کی مکمل بحالی کا اعلان کیا تھا۔