تیان جن (شِںہوا) چین کی شمالی بلدیہ تیان جن میں 2023 چائنہ (تیان جن) بین الاقوامی نمائش برائے سرمایہ کاری و تجارت اور پی ای سی سی ایکسپو  شروع ہوگئی جس کا مقصد بنیادی کھپت میں اضا فہ کرنا ہے۔

روس ، فلپائن اور تھائی لینڈ جیسے ممالک سے کھانوں ، کاسمیٹکس ، کھلونوں اور دستکاری سمیت مختلف مصنوعات نمائش کے لئے پیش کی گئی ہیں۔ نمائش کا مجموعی رقبہ 50 ہزار مربع میٹر ہے جس میں 1 ہزار 500 بین الاقوامی بوتھ بنائے گئے ہیں۔

چار روزہ نمائش کے 3 اہم حصے ہیں جس میں سرمایہ کاری مذاکرات ، اجناس کی تجارت اور افراد کا تبادلہ شامل ہے۔اس دوران فورمز کے انعقاد کے ساتھ معاہدوں پر دستخط کئے جائیں گے۔

تیان جن تجارتی میلہ پہلی بار 1994 میں ہوا تھا ۔ 2011 سے یہ پی ای سی سی ایکسپو کے ساتھ ملکر منعقد کیا جارہا ہے جو بحرالکاہل اقتصادی تعاون کونسل سے منظور شدہ ایک جامع بین الاقوامی نمائش ہے ۔یہ تیزی سے چین کے شمال میں ایک بااثر تجارتی میلہ بن رہا ہے۔