تیان جن (شِنہوا) چین کے شمالی بندرگاہی شہر تیان جن میں 2022 کے دوران سرحد پار ای کامرس درآمدات  اور برآمدت کا  حجم 15 ارب یوآن (تقریبا 2.2 ارب امریکی ڈالرز) سے زائد رہا جو گزشتہ برس کی نسبت 5 فیصد سے زیادہ ہے۔ میونسپل کمیشن برائے تجارت کے مطابق تیان جن نے پچھلے برس 11 ارب یوآن مالیت کی اشیا برآمد کیں جو گزشتہ برس کی نسبت 15 فیصد زائد ہے۔ تیان جن کے 3 سرحد پار ای کامرس مظاہرہ پارکس میں 180 سے زیادہ کاروباری ادارے کام کررہے ہیں جنہوں نے 1 ہزار 600 سے زائد نئی ملازمتیں پیدا کی ہیں۔ کمیشن نے کہا ہے کہ وہ تجارت میں سہولت کے مزید اقدامات کرے گا اور سرحد پار ای کامرس کے فروغ کے لئے بانڈڈ گڈز نمائش اور لائیو اسٹریمنگ کے کاروباری ماڈلز میں جدت لائے گا۔