بیجنگ (شِنہوا) چین کی ٹیبلٹ کمپیوٹر ترسیل تیسری سہ ماہی میں 70 لاکھ 50 ہزار یونٹس رہی جو گزشتہ برس کی نسبت 3.4 فیصد کم ہے۔

ایک صنعتی رپورٹ کے مطابق یہ کمی دوسری سہ ماہی 6.6 فیصد گروٹ کے قریب ہے۔

عالمی مارکیٹ تحقیقی ادارے انٹرنیشنل ڈیٹا کارپوریشن کی جاری کردہ رپورٹ کے مطابق توقع سے بہتر کارکردگی کی جزوی وجہ تکنیکی اختراع اور پیداواری صلاحیت میں توسیع کے ذریعے صارف مارکیٹ میں بڑے برانڈز کا فروغ ہے۔

رپورٹ میں کہا گیا ہے کہ کمی کے باوجود مجموعی طور پر ہواوے، شیاؤمی اور ویوو سمیت مقامی برانڈز کی ٹیبلٹ ترسیل میں تیسری سہ ماہی کے دوران اضافہ ہوا۔

صارف ٹیبلٹ مارکیٹ کی ترسیل میں گزشتہ برس کی نسبت 4.3 فیصد کمی جبکہ تجارتی ٹیبلٹ کی فروخت میں گزشتہ ایک برس کے مقابلے میں 7.4 فیصد اضافہ ہوا۔

رپورٹ کے مطابق تیسری سہ ماہی میں چینی ٹیبلٹ مارکیٹ کی اوسط خوردہ قیمت میں دوسری سہ ماہی کے مقابلے میں 3 فیصد کمی ہوئی۔