بیجنگ(شِنہوا)  چین کی طبی امدادی ٹیمیں اس وقت دنیا کے 56 ممالک میں 115 مقامات پر خدمات انجام  دے رہی ہیں،وزارت خارجہ کی ترجمان ماؤ ننگ نے کہا کہ  چین ترقی پذیر ممالک کو مدد فراہم کرتا رہے گا اور دنیا بھر کے لوگوں کی صحت اور بہبود کو بہتر بنائے گا۔ ماؤ نے ان خیالات کا اظہار گزشتہ روز باقاعدہ پریس بریفنگ میں بیرون ملک چین کی  طبی امدادی ٹیموں سے متعلق ایک سوال کے جواب میں کیا۔ حال ہی میں، بہت سے ممالک کی جانب سے چینی طبی ٹیموں کے کام کو بہت زیادہ  سراہا گیا۔ چینی طبی ٹیم کو گنی بساؤ کے صدر عمرو سیسوکو ایمبالو نے نیشنل آرڈر آف میرٹ، کوآپریشن اینڈ ڈویلپمنٹ میڈل سے نوازا۔ روایتی چینی طب (ٹی سی ایم) کی اینٹی کوویڈ ٹیم کو کمبوڈیا کی وزارتِ صحت کی جانب سے کنگڈم آف کمبوڈیا کا نائٹ میڈل دیا گیا۔ ماؤ نے کہا کہ چین نے 60 سال قبل اپنی پہلی طبی امدادی ٹیم بیرون ملک روانہ کی تھی، اس کے بعد سے، مجموعی طور پر 30 ہزار طبی عملے نے افریقہ اور ایشیا سمیت 76 ممالک اور خطوں میں 29کروڑ سے زیادہ مقامی مریضوں کا علاج کیا او ان ٹیموں کی کامیابیوں کا وسیع پیمانے پر اعتراف بھی کیا گیا ہے۔