بیجنگ (شِنہوا) چین میں درآمدی ترسیل بہتر ہونے اور تعطیلات کی معیشت نے کھپت میں ترسیل کی ضروریات پوری کرنے میں مدد کی جس کے سبب ترسیل کی صنعت میں تیزی کا رجحان برقرار ہے۔

چائنہ فیڈریشن آف لاجسٹکس اینڈ پرچیزنگ کے مطابق ابتدائی 10 ماہ کےدوران سماجی ترسیل گزشتہ برس کی نسبت 4.9 فیصد اضافے سے 2783 کھرب یوآن (تقریباً 391.4 کھرب امریکی ڈالر) تک پہنچ گئی۔ ترقی کی شرح ابتدائی 9 ماہ کے مقابلے میں 0.1 فیصد پوائنٹس زائد تھی۔

فیڈریشن نے بتایا کہ صنعتی مصنوعات کی ترسیل میں گزشتہ برس کی نسبت 4.1 فیصد اضافہ ہوا جبکہ درآمدی اشیاء کی ترسیل 13.5 فیصد بڑھی۔

فیڈریشن نے کہا ہے کہ 8 روزہ وسط خزاں تہوار اور قومی دن کی تعطیلات نے معاون اقدامات کی مدد سے کھانے پینے ، ہوٹل اور خوردہ صنعتوں کی کھپت ترسیل کی طلب میں اضافہ کیا۔

صرف اکتوبر کے دوران کھانے پینے بارے ترسیل کی طلب میں گزشتہ برس کی نسبت 17 فیصد اضافہ ہوا جو ستمبر کے مقابلے میں 3.3 فیصد زیادہ ہے۔

فیڈریشن کے مطابق شرح نمو میں مسلسل دو ماہ تک اضافہ ہوا تھا۔