ہانگ ژو (شِنہوا) چین کے مشرقی صوبہ ژے جیانگ میں الیکٹرک گاڑیوں کی چارجنگ کے لئے 10 لاکھ سے زائد چارجنگ پوائنٹس بنائے گئے ہیں جو نہ صرف شہروں بلکہ دیہی علاقوں میں بھی تیزی سے مقبول ہورہے ہیں۔

اسٹیٹ گرڈ کے ژے جیانگ ذیلی ادارے کے مطابق اگست کے اختتام تک ژے جیانگ میں 1 لاکھ 19 ہزار 500 سرکاری اور 9 لاکھ 29 ہزار 200 نجی چارجنگ پوائنٹس تھے۔  ان چارجنگ پوائنٹس سے رواں سال جنوری سے اگست تک 3.4 ارب کلو واٹ آور سے زائد بجلی فراہم کی گئی جو گزشتہ برس سے 70 فیصد زائد ہے۔

ژے جیانگ کے دیہی علاقوں میں اب پہلے سے کہیں زیادہ الیکٹرک گاڑیوں کے چارجنگ پوائنٹس ہیں ۔ اگست کے اختتام تک 792 دیہات اور قصبوں میں مجموعی طور پر2 لاکھ 69 ہزار 100 نجی چارجنگ پوائنٹس قائم کئے جاچکے تھے ۔ دیہی علاقوں میں تقریباً 84 فیصد الیکٹرک گاڑیوں کے مالکان کے پاس نجی چارجنگ پوائنٹس موجود ہیں۔

ژے جیانگ نے 2025 تک 23 لاکھ سے زائد الیکٹرک گاڑیوں کے چارجنگ پوائنٹس قائم کرنے کی منصوبہ بندی کی ہے جن  میں سے  کم از کم 9 لاکھ دیہی علاقوں میں ہوں گے۔

 اس کا مقصد 40 لاکھ سے زائد نئی توانائی گاڑیوں کی چارجنگ ضروریات کو پورا کرنا ہے۔