بیجنگ (شِنہوا) 2023  ژونگ گوان کن فورم (زیڈ جی سی) بیجنگ میں 25 سے 30 مئی تک منعقد کیا جائے گا جس میں کامیابیوں کا مظاہرہ اور ٹیکنالوجی تعاون جیسی تقریبات شامل ہوں گی۔

اس فورم کا عنوان 'مشترکہ مستقبل کے لئے کھلے پن کا تعاون' ہے جس میں 150 سے زائد تقریبات کی میزبانی کی جائے گی جن میں 55 متوازی فورمز شامل ہیں۔

 یہ فورم 80 سے زائد ممالک اور خطوں کے ساتھ ساتھ تقریباً 200 غیر ملکی سرکاری ڈیپارٹمنٹس ، بین الاقوامی اداروں اور  تنظیموں  کو اپنی جانب متوجہ کرے گا۔

منتظمین نے پریس کانفرنس کرتے ہوئے بتایا کہ متعدد شعبوں سے تقریباً 120 اعلیٰ ماہرین فورم کے دوران اہم تقاریر کریں گے۔

رواں سال کے فورم میں متعدد جدید سائنس ٹیکنالوجی کی کامیابیوں، تحقیقی رپورٹس، بین الاقوامی تعاون کے بڑے منصوبوں کے خاکے کے ساتھ ساتھ حکمت عملی اور اقدامات بارے خبروں کی تشہیر ہو گی۔

علاوہ ازیں چین کی سائنس ٹیکنالوجی کی کامیابیوں کے ارتقا بارے سالانہ رپورٹ اور 10 اعلیٰ بین الاقوامی ٹیکنالوجی انوویشن ٹرانسفر  منصوبے بھی شامل ہوں گے۔