گوئی یانگ(شِنہوا) چین کے جنوب مغربی صوبے گوئی ژومیں ایک غار کے اندر زیرزمین آبی گزرگاہ میں نابینا مچھلی کی ایک نئی نسل دریافت ہوئی ہے۔

جریدے زوسسٹیمیٹکس اینڈ ایوولوشن میں شائع چینی محققین کی تحقیق میں سائنوسائیکلوچیلیئس نسل سے تعلق رکھنے والی سائنوسائیکلوچیلیئس گوئی یانگ نامی اس مچھلی کو گلابی مچھلی کہا گیاہے۔2019 میں گوئی ژوکے دارالحکومت میں یہ نسل دریافت ہونے کی وجہ سے اس کوگوئی یانگ کا نام دیا گیا ہے۔

دریافت ہونے والی یہ مچھلی نابینا ہے اور اس کی آنکھوں کی جگہیں مکمل سیاہ دھبوں کی شکل اختیار کر چکی ہیں۔ اس تحقیق کے شریک مصنف ژاؤ جیاجون کا کہنا ہے کہ یہ شاید غار میں واقع زیر زمین آبی گزرگاہ میں اس کے مسکن کے تاریک ماحول کا نتیجہ ہے۔