جی شی شان ،صوبہ گانسو( شِنہوا) چین کے شمال مغربی صوبے گانسو میں زلزلے زدہ کاؤنٹی جی شی شان میں 12 ویں جماعت کے تمام طلباء کو جلد ہی معمول کی تدریس کے لئے 40 کلومیٹر سے زیادہ مسافت پر واقع دوسرے اسکول میں منتقل کردیا جائے گا۔
گزشتہ ہفتےلین شیا ہوئی خودمختار پریفیکچر کے علاقے جی شی شان کے بونان ۔ ڈونگ شیانگ ۔ سالار خودمختار کاؤنٹی میں 6.2 شدت کا زلزلہ آیا تھا جس میں سیکڑوں افراد ہلاک ہوئے اور عمارتوں کو نقصان پہنچا تھا۔
کاؤنٹی کےمحکمہ تعلیم نے بتایا کہ جی شی شان کاؤنٹی میں 3 سینئر ہائی اسکول ہیں اور اگلے جون میں کالج داخلہ امتحان میں شرکت کرنے والے 12 ویں جماعت کے تمام 1ہزار 498 طالب علموں کو ہفتہ تک لین شیا ووکیشنل اینڈ ٹیکنیکل اسکول میں منتقل کر دیا جائے گا۔
ان میں سے ایک طالب علم چھائی چھنگ لونگ نے بتایا کہ ہم 6 بستروں والے ہاسٹل میں رہتے ، اسکول کینٹین سے کھانا کھاتے ہیں اور میرے والدین اختتام ہفتہ مجھ سے ملنے آسکتے ہیں۔
چھائی نے کہا کہ وہ جس نئے اسکول میں منتقل ہوئے ہیں اس میں پہلے سے تیار کردہ کمروں میں آن لائن کلاسوں کے لئے اچھی سہولیات موجود ہیں اور یہ روبرو کلاسز سے کہیں زیادہ مؤثر ہیں۔
گزشتہ جمعے کو کاؤنٹی جی شی شان میں ہائی اسکول کے تمام سینئر طالب علموں کے لئے آن لائن کلاسز کا آغاز کردیا گیا جبکہ پرائمری اور جونیئر ہائی اسکولوں میں آن لائن یا آف لائن کلاسز کا آغاز پیر سے ہوا تھا۔
کاؤنٹی کے 244 اسکولوں میں سے کچھ کو محفوظ قرار دیا گیا ہے جہاں رواں ہفتے سے کلاسز بحال ہورہی ہیں۔
