بیجنگ (شِنہوا) چین کے سرکاری اعداد و شمار کے مطابق رواں سال کی پہلی ششماہی کے دوران زرعی مصنوعات کی غیر ملکی تجارت میں گزشتہ سال  کی نسبت 6.4 فیصد اضافہ ہوا ہے۔

وزارت زراعت و دیہی امور کے مطابق اس عرصے کے دوران ملک کی زرعی پیداوار کی درآمدات و برآمدات مجموعی طور پر 171.76 ارب امریکی ڈالر ز رہیں۔

چین کی زرعی مصنوعات کی برآمدات گزشتہ سال کی نسبت 1.7 فیصد اضافے کے ساتھ 47.71 ارب ڈالرز تک پہنچ گئیں۔

اس طرح کی مصنوعات کی درآمدات 124.05 ارب ڈالرز تک پہنچ گئیں جو گزشتہ سال کے اسی عرصے کے مقابلے میں 8.3 فیصد زیادہ ہیں۔

اعداد و شمار کے مطابق اسی عرصے کے دوران چین کی زرعی پیداوار کا تجارتی خسارہ 76.34 ارب ڈالرز رہا جو گزشتہ سال کے مقابلے میں 12.9 فیصد زیادہ ہے۔