بیجنگ (شِنہوا) چین کے زرعی شعبے نے مسلسل سبز تبدیلی کو وسعت دی ہے جس کے باعث 2021 اور 2022 کے درمیان اعلیٰ سطح کی سبز ترقی ہوئی ہے۔

چینی اکیڈمی برائے زرعی سائنس اور چائنہ زرعی سبز ترقی تحقیق سوسائٹی کی جاری کردہ ایک رپورٹ کے مطابق ملک نے 505 بڑے اور درمیانے درجے کے آب پاشی اضلاع کو جدید بنایا اور 2022 میں 3 کروڑ 37 لاکھ مو (تقریباً 22 لاکھ 50 ہزار ہیکٹر) کے آب پاشی علاقوں کو بحال کرتے ہوئے بہتر بنایا، جس سے اناج اور اہم زرعی مصنوعات کی پیداواری صلاحیت میں نمایاں اضافہ ہوا۔

چین نے 2022 کے اختتام تک نامیاتی زرعی مصنوعات کے لئے 102 مراکز اور سبز خوراک کے خام مال کے لئے 748 معیاری پیداواری مراکز تعمیر کئے جس کا مجموعی رقبہ 16 کروڑ 80 لاکھ مو سے زائد تھا۔

2021 کے دوران چین میں فصلوں کے بھوسے کے استعمال کی شرح 88.1 فیصد تک پہنچ گئی جو گزشتہ برس کی نسبت 0.5 فیصد پوائنٹس زائد ہے۔ مویشی اور پولٹری کھاد کی شرح 76 فیصد سے زائد ہوگئی جبکہ زرعی فلم کی بحالی کی شرح 80 فیصد سے زیادہ تھی۔

ملک نے 31 صوبائی سطح کے علاقوں سے پانی، مٹی، آب و ہوا، حیاتیات اور زرعی فضلے بارے 1 کروڑ 50 لاکھ سے زیادہ اعداد و شمار پر مشتمل زرعی وسائل کا ڈیٹا بھی تیار کیا ہے جو زرعی وسائل کے استعمال کا تجزیہ کرنے اور سبز ترقی کی سطح کا جائزہ لینے کے لئے ڈیٹا تعاون فراہم کرسکتا ہے۔

چینی اکیڈمی برائے زرعی سائنس کے صدر وو کونگ منگ نے بتایا کہ چینی اکیڈمی برائے زرعی سائنس نے سبز ٹیکنالوجی، معیارات اور ماڈلز میں شاندار سائنسی تحقیقی کامیابیاں حاصل کیں اور متعلقہ تکنیکی اختراع اور پالیسی مشورے میں چائنہ زرعی سبزترقی تحقیق سوسائٹی سے ملکر کام کیا۔