چھینگڈو(شِنہوا)چھینگدو سمرورلڈ یونیورسٹی گیمز کےتمام مقامات  2021 سے مختلف اوقات میں عوام کے لیے کھلے ہیں۔

چھینگدو یونیورسیڈ ایگزیکٹیو کمیٹی کے نائب صدر شیان رونگ شینگ نے جمعہ کو گیمزکے آغاز سے قبل پریس کانفرنس میں کہا کہ اگرچہ 31 ویں ایف آئی ایس یو ورلڈ یونیورسٹی گیمز کا باضابطہ طور پر جمعہ کی شام کو آغاز ہو رہا ہے تاہم چھینگدو کے شہری 2021سے یونیورسیڈ کے مقامات کا استعمال کر رہے ہیں۔

یونیورسیڈ کو متعدد وجوہات کی بناء پردو مرتبہ التوا کا سامنا کرنا پڑا جس میں کویڈ-19وبائی بیماری ایک بڑی رکاوٹ تھی جس کے باعث  تیاریوں میں کافی چیلنجزکا سامنا کرنا پڑا۔

تاہم گزشتہ تین سالوں میں چھینگدو کے 49 مقامات اور سہولیات کی تعمیر، تزئین و آرائش اور توسیع مکمل کی گئی ہے جس سے اعلیٰ درجے کے بنیادی ڈھانچے اور خدمات کو یقینی بنایا گیا ہے۔

ڈونگ آن لیک سپورٹس پارک سمیت کھیلوں کی تمام سہولیات جہاں افتتاحی تقریب منعقد ہورہی ہے ، اپریل 2021 سے زیراستعمال ہیں۔

چھینگدو سے تعلق رکھنے والے غوطہ خوری  کے شوقین چھن حئی لون جنہوں نے 2022 سے ڈونگ آن لیک سپورٹس پارک ایکواٹکس سنٹر میں دو سال سے زیادہ عرصے سے ہفتے میں کئی بار غوطہ خوری کی مشق کی ہے، کہا کہ میں اب 25 میٹر تک  گہرائی میں غوطہ لگا سکتا ہوں جو  یہاں درمیانے درجے کا تالاب ہے۔

 ڈونگ آن لیک سپورٹس پارک کے عملے کے رکن لی جیاکے نے کہا کہ ڈائیونگ پول تمام کلبوں کے لیے کھول دیا گیا ہے۔