بیجنگ(شِنہوا) چین نے غیر ملکی ریاستی استثنیٰ کے اپنے نظام کو بہتر بنانے کے لیے ایک قانون منظور کیا ہے،جس میں چینی عدالتوں کو غیر ملکی ریاستوں اور انکی جائیداد سے متعلق دیوانی مقدمات نمٹانے کے لیے قواعد کا اجرا کیاگیا ہے۔
وزارت خارجہ کے ترجمان نے ان خیالات کااظہار منگل کو چین کے غیر ملکی ریاستی استثنیٰ کے قانون کے بارے پوچھے گئے ایک سوال کے جواب میں کیاجس کی حال ہی میں ملک کی قومی عوامی کانگریس کی قائمہ کمیٹی نے جائزہ لینےکے بعد منظوری دی ہے ۔ اس قانون کے ذریعے ریاستی استثنیٰ کے سابقہ قانون میں ردوبدل کرتے ہوئے چین میں عدالتوں کو غیر ملکی ریاستوں کے خلاف مقدمات کی سماعت کا اختیار دیاگیا ہے۔
اس قانون کے ذریعے اس بنیادی اصول کی توثیق کی گئی ہے کہ غیر ملکی ریاست اور اس کی املاک کو چین میں استثنیٰ حاصل ہے، اور ساتھ ہی ساتھ غیر ملکی ریاست کے غیر خودمختار اقدامات سے متعلق استثنیٰ کا بھی تعین کیا گیا ہے، جس کے تحت چینی عدالتیں تجارتی سرگرمیوں، متعلقہ جسمانی چوٹ اور املاک کو پہنچنے والے نقصان کے تنازعات سے متعلق معاملات میں اپنے دائرہ اختیار کا استعمال کر سکتی ہیں۔
