بیجنگ (شِںہوا) چینی وزیر خارجہ وانگ یی نے امریکی صدر جو بائیڈن کے ساتھ چینی صدر شی جن پھنگ کی بات چیت اور سان فرانسسکو میں ایپیک اقتصادی رہنماؤں کے 30 ویں اجلاس میں شرکت بارے میں میڈیا کو بریفنگ دی۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے کہا کہ یہ خیال وسیع پیمانے پر موجود ہے کہ صدر شی کے دورے نے دنیا بھر کی توجہ اپنی جانب مبذول کرائی ہے جس سے چین ۔ امریکہ تعلقات میں استحکام آیا ہے، ایشیا بحرالکاہل تعاون کو نئی رفتار ملی ہے اور بین الاقوامی اور علاقائی منظر نامے میں مثبت قوت پیدا ہوئی ہے۔
وانگ نے مزید کہا کہ چینی صدر شی جن پھنگ نے سان فرانسسکو میں نشاندہی کی کہ چین اور امریکہ کو ایک نیا نقطہ نگاہ اپنانا ہو گا۔انہوں نے کہا کہ دونوں ممالک کو ایک درست تصور مشترکہ طور پر بنانا ، اختلافات مشترکہ طور پر مئوثر انداز میں حل کرنا اور ایک دوسرے کے اصول اور سرخ لکیر کا احترام کرنا ہو گا۔ انہوں نے مزید کہا کہ دونوں ممالک کو باہمی فائدہ مند تعاون مشترکہ طو پر آگے بڑھاتے ہوئے بڑے ممالک کی حیثیت سے مشترکہ طور پر ذمہ داریاں نبھانا اور مشترکہ طور پر عوامی تبادلوں کو فروغ دینا چاہئے۔ اس نے چین۔ امریکہ تعلقات میں 5 ستونوں کو ایک ساتھ تعمیر کیا ہے اور مستقبل کی سمت "سان فرانسسکو وژن" قائم کیا۔
چینی وزیرخارجہ کے مطابق بالی سربراہ اجلاس میں 5 وعدوں کا اعادہ کرتے ہوئے امریکی صدر بائیڈن نے کہا کہ امریکہ نئی سرد جنگ ، چینی نظام میں تبدیلی ، چین کے خلاف اتحادوں کی بحالی ، "تائیوان کی آزادی" کی حمایت اور چین کے ساتھ کوئی تنازع نہیں چاہتا۔
وانگ نے کہا کہ دونوں فریقین کی مشترکہ کوشش سے ملاقات میں 20 سے زائد اہم نتائج حاصل ہوئے ہیں جن میں انسداد منشیات میں تعاون پر ورکنگ گروپ کے قیام کے ساتھ دونوں ممالک کی افواج کے درمیان برابری اور احترام شامل ہے۔ اس کے علاوہ دونوں مما لک کے ما بین اعلیٰ سطح کے رابطوں اور ادارہ جاتی مکالمے دوبارہ شروع کرنے کا معاہدہ اور اقوام متحدہ کے فریم ورک کنونشن برائے موسمیاتی تبدیلی کے دبئی میں منعقد ہونے والے 28 ویں اجلاس کی کامیابی کو مشترکہ طور پر فروغ دینا شامل ہے۔
وانگ نے کہا کہ سان فرانسسکو سربراہ اجلاس چین ۔ امریکہ تعلقات کی تاریخ کے ساتھ ساتھ بین الاقوامی تعلقات میں ایک اہم واقعہ اور ان تعلقات کو صحت مند، مستحکم اور پائیدار ترقی کی سمت بڑھانے میں سازگار ہے۔
