بیجنگ (شِنہوا) چین نے اپنے جنرل اور خصوصی اسپتالوں سے کہا ہے کہ وہ نوول کرونا وائرس انفیکشن کے علاج میں روایتی چینی ادویات کے منفرد فوائد کے سبب ان کا استعمال بڑھائیں۔
ریاستی کونسل کی انٹر ایجنسی ٹاسک فورس برائے نوول کرونا وائرس ردعمل کی جانب سے جاری کردہ ایک مراسلے کے مطابق گریڈ 2 یا اس سے اوپر کی سطح کے جنرل اور خصوصی اسپتالوں کو نوول کرونا وائرس انفیکشن کے علاج میں چینی اور مغربی ادویات کے مربوط استعمال کے لئے ایک کارکردگی طریقہ کار قائم کر تے ہو ئے مزید بہتری لانی چاہیے۔
مراسلے میں روایتی چینی ادویات اور مغربی ادویات کے ڈاکٹروں پر مشتمل اسپتال کی سطح کے ماہرین کے گروپس قائم کرنے پر زوردیا گیا ہے جو مشترکہ طور پر کثیر الجہتی مشاورت کریں گے اور دیگر کاموں کے علاوہ شدید اور نازک صورتحال کا شکار مریضوں کے علاج کے لئے اقدامات کا مطالعہ اور تعین کریں گے۔
اس میں یہ بھی کہا گیا ہے کہ شدید صورتحال کا شکار مریضوں کے علاج میں چینی خام ادویات، روایتی چینی ادویات تکنیک اور روایتی چینی ادویات انجکشن سمیت تیار روایتی چینی ادویات کو فعال اور مناسب طریقے سے استعمال کرنا چاہیے۔
مراسلے میں اسپتالوں میں خاص کر شدید اور شدید بیمار مریضوں کے علاج میں تیار روایتی چینی ادویات اور تیار کردہ چینی خام ادویات کی خریداری اور انہیں ذخیرہ کرنے پر بھی روشنی ڈالی گئی ہے۔
اس کے مطابق اسپتالوں میں روایتی چینی ادویات عملے کی تعداد میں مزید اضافے پر بھی زور دیا گیا۔
چین میں اسپتالوں کی درجہ بندی میں 3 سطح کا نظام موجود ہے جس میں تیسرے درجے کے اسپتالوں میں بستروں کی تعداد سب سے زیادہ ہے اور وہ جامع طبی خدمات فراہم کرتے ہیں۔
