بیجنگ(شِنہوا) چین کے استغاثہ کے اداروں نے ٹیلی کام اور انٹرنیٹ فراڈ اور متعلقہ جرائم سے نمٹنے کے لیے کوششیں تیز کر دی ہیں۔

چین کے سپریم پیپلز پروکیوریٹوریٹ (ایس پی پی) کی طرف سے جمعرات کو جاری ایک رپورٹ کے مطابق، 2023 کے پہلے 10 ماہ میں، ملک بھر میں استغاثہ نے ٹیلی کام اور آن لائن فراڈ میں ملوث 34ہزارسے زائد افراد کے خلاف قانونی کارروائی کی ہے، جو گزشتہ سال کی نسبت 52 فیصد کا اضافہ ہے۔

اسی مدت کے دوران، 1لاکھ 15ہزار افراد پر سائبر کرائمز میں معاونت کی غیر قانونی سرگرمیوں کے لیے فرد جرم عائد کی گئی، جو کہ گزشتہ سال کے مقابلے میں 13 فیصد زیادہ ہے۔

رواں سال کے آغاز سے، سرحد پار ٹیلی کام اور آن لائن دھوکہ دہی سے متعلق پانچ اہم کیسز کو ایس پی پی اور پبلک سیکورٹی کی وزارت کی مشترکہ کوششوں سے حل کیا گیا۔ رپورٹ میں بتایا گیا کہ اس مشترکہ کوشش کے نتیجے میں ٹیلی کام اور آن لائن فراڈ کے ساتھ ساتھ انسانی اسمگلنگ اور جان بوجھ کر نقصان پہنچانے جیسے جرائم کے خلاف سخت کریک ڈاؤن کیا گیا ہے۔