بیجنگ (شِنہوا) چائنہ ڈویلپمنٹ بینک نے گزشتہ برس میں ملک کی جدید پیداوار اور سٹریٹجک طور پر اہم ابھرتی صنعتوں کی ترقی میں مدد کے لئے 551.8 ارب یوآن (تقریباً 77.68 ارب  ڈالر) مالیت کے قرضے جاری کئے۔

پالیسی ساز بینک کے مطابق یہ  قرضے بنیادی طور پر نئی نسل کی انفارمیشن ٹیکنالوجی، اعلیٰ درجے کے آلات، نئے مواد، نئی توانائی گاڑیاں، توانائی اور ماحولیاتی تحفظ، اور بائیو میڈیسن کی ترقی میں تعاون کے لئے استعمال ہوئے۔

چائنہ ڈویلپمنٹ بینک نے کہا کہ اس نے اہم ٹیکنالوجیز کے ساتھ ساتھ بنیادی ٹیکنالوجیز کی تحقیق و ترقی میں درمیانے اور طویل مدتی فنڈز فراہم کئے اور قرضوں، سرمایہ کاری اور بانڈز جیسی متعدد مالیاتی خدمات کے ساتھ صنعتی چینز کو مضبوط بنانے میں مدد کی ہے۔

چائنہ ڈویلپمنٹ بینک نے اپنے ایک ماتحت ادارے کے زیر انتظام فنڈ کے ذریعے متعدد اہم پیداواری منصوبوں پر عملدرآمد میں بھی سہولت فراہم کی جس میں اس شعبے کی منتقلی اور اپ گریڈنگ پر توجہ مرکوز کی گئی ہے۔

چائنہ ڈویلپمنٹ بینک نے کہا کہ 2023 کے اختتام تک اس فنڈ نے 76 منصوبوں کی مالی اعانت کے لیے 27.3 ارب یوآن فراہم کئے جن میں بنیادی سافٹ ویئر، الیکٹرانک مواد، صنعتی انٹرنیٹ اور اسمارٹ گرڈ جیسے شعبوں کی صنعتی شعبوں  کا احاطہ کیا گیا تھا۔