بیجنگ(شِنہوا) چین کے سرکاری اعداد و شمار کے مطابق 2023 کے پہلے چار ماہ کے دوران چین کی بندرگاہوں پر کنٹینر کی آمد میں گزشتہ سال کی نسبت 4.8 فیصد اضافہ ہوا ہے۔

وزارت ٹرانسپورٹ کے مطابق اس عرصے کے دوران ملک کی بندرگاہوں پر تقریباً 9 کروڑ 54 لاکھ 30 ہزار ،بیس فٹ مساوی کنٹینرز کو سنبھالا گیا۔

اسی عرصے میں چین کی بندرگاہوں پر کارگو کی مجموعی ترسیل 5.28 ارب ٹن رہی جو 2022 کی اسی مدت کے مقابلے میں 7.6 فیصد زیادہ ہے۔

غیر ملکی تجارت کے لئے کارگو تھروپٹ میں گزشتہ سال کی نسبت 8.1 فیصد اضافہ ہوا۔

اعداد و شمار کے مطابق صرف اپریل میں چین کی بندرگاہوں پر کارگو تھروپٹ میں گزشتہ سال کی نسبت 11.8 فیصد اضافہ ہوا جبکہ کنٹینر تھروپٹ میں 8.6 فیصد اضافہ ہوا۔