بیجنگ (شِنہوا) چین میں رواں سال کے پہلے سات مہینوں کے دوران چینی برانڈ کی مسافر گاڑیوں کی فروخت میں گزشتہ سال  کی نسبت 20.4 فیصد اضافہ ہوا ہے۔

چائنہ ایسوسی ایشن آف آٹوموبائل مینوفیکچررز کے مطابق اس عرصے کے دوران چین میں تقریباً71 لاکھ 90 ہزار مقامی ۔برانڈ کی مسافر گاڑیاں فروخت ہوئیں۔

چینی مارکیٹ میں ایسی گاڑیوں کا مارکیٹ حصہ 53.8 فیصد رہا جو 2022 کے اسی عرصے کے مقابلے میں 6.1 فیصد پوائنٹس زیادہ ہے۔

مقامی  آٹو برانڈز کی فروخت صرف جولائی میں گزشتہ سال کی نسبت 11.4 فیصد اضافے کے ساتھ 12 لاکھ یونٹس تک پہنچ گئی۔

یہ فروخت گزشتہ ماہ ملک کی مجموعی مسافر  گاڑیوں کی فروخت کا 57.2 فیصد تھی جو گزشتہ سال کے مقابلے میں 7.6 فیصد پوائنٹس زیادہ ہے۔