بیجنگ(شِنہوا) شمالی نصف کرہ سے پورے آسمان کا مشاہدہ  کرنے کی صلاحیت  رکھنے والی چینی دوربین نے زمین کے قریب دو سیارچے  دریافت  کیے ہیں۔

دونوں سیارچوں  کو پہلی بار 18 نومبر کو وائیڈ فیلڈ سروے ٹیلی سکوپ (ڈبلیوایف ایس ٹی) کے ذریعے دیکھا گیا، جس نے ستمبر 2023 میں چین کے شمال مغربی  صوبے چھنگھائی میں کام شروع کیا تھا ۔ بین الاقوامی فلکیاتی یونین کے تحت مائنر پلانیٹ سنٹر نے بعد ازاں دوربین کے ذریعے اس دریافت کی تصدیق کی اور سیارچوں کو  ڈبلیو ایکس1 2023 اور  ڈبلیو بی 2 2023کا نام دیا ہے۔

ماہرین فلکیات نے گزشتہ روز ایک بیان میں کہا کہ تقریباً 170میٹر قطر کے ساتھ، ڈبلیو ایکس1  کو ممکنہ طور پر خطرناک سیارچے کی  درجہ بندی میں رکھا گیا ہے،جس کی وجہ "زمین کا کم از کم مدار کا انٹرسیکشن فاصلہ 0.0416 فلکیاتی یونٹس" یا 62لاکھ 20ہزار کلومیٹر ہے۔