بیجنگ (شِنہوا) چین میں رواں سال کھپت کے فروغ کی وسیع تر کوششوں کے ضمن میں گاڑیوں کی فروخت بارے استحکام  لا تے ہو ئےاس میں توسیع کی جائے گی۔

وزارت تجارت کے ایک عہدیدار شو شنگ فنگ نے ایک پریس کانفرنس میں بتایا کہ ملک نئی گا ڑیوں کی فروخت مستحکم کرنے، نئی توانائی کی گاڑیوں  کی خریداری میں تعاون کرنے اور استعمال شدہ گاڑیوں کی گردش بڑھانے کی پالیسیاں نافذ کرے گا۔

شو نے کہا کہ چارجنگ سے لائسنس پلیٹ رجسٹریشن تک نئی توانائی گاڑیوں میں صارف کا تجربہ بہتر بنانے کے اقدامات کئے جائیں گے۔ ملک بھر میں استعمال شدہ کار انفارمیشن انکوائری پلیٹ فارم کے قیام میں تیزی لائی جائے گی۔

کاروں کی خریداری ملک کی کل خوردہ فروخت کے 10 فیصد کے مساوی ہے جبکہ تیل کی فروخت کے مد نظر یہ تعداد تقریباً 15 فیصد تک بڑھ جاتی ہے۔

چین میں سال 2022 کے دوران 2 کروڑ 68 لاکھ 60 ہزار نئی گا ڑ یاں فروخت ہوئیں جو گزشتہ برس کی نسبت 2.1 فیصد زائد ہے۔اس سے ملک دنیا میں سب سے بڑا فروخت کنندہ بن گیا ہے۔ گزشتہ برس نئی توانائی گاڑیوں کی فروخت تقریباً دو گنا ہوگئی۔

کھپت میں اضافہ چینی پالیسی کی ترجیح ہے۔ صارف مارکیٹ نے سال کے آغاز سے ہی اپنی مستحکم ترقی کی رفتار برقرار رکھی ہے۔

وزارت کے اعداد و شمار کے مطابق گزشتہ موسم بہار تعطیلات کے دوران بڑے خوردہ فروشوں اور کیٹرنگ کے کاروبار کی مشترکہ آمدن میں گزشتہ برس کی نسبت 6.8 فیصد اضافہ ہوا۔