بیجنگ(شِنہوا)  چین کی مرکزی حکومت رواں سال کے دوران میڈیکل کالج کے 6ہزار150 طلباء کو تعلیم کے لیے مالی معاونت فراہم کرے گی، جو ملک کے کم ترقی یافتہ وسطی اور مغربی علاقوں میں کام کریں گے۔

وزارت تعلیم نے بدھ کو اپنے جنرل آفس کے ایک سرکلر کا حوالہ دیتے ہوئے کہا کہ مرکزی حکومت ملک کے میڈیکل کالجوں اور یونیورسٹیوں میں پانچ سال کی مفت انڈرگریجویٹ تعلیم  کی فراہمی کے لیے مالی مدد فراہم کرے گی۔ مفت تعلیم اس شرط پر فراہم کی جائے گی کہ طلباء تعلیم مکمل  کرنے پر وسطی اور مغربی علاقوں میں ٹاؤن شپ کلینک میں خدمات انجام دیں گے۔ سرکلر کے مطابق، اس طرح کا پروگرام صرف دیہی علاقوں کے طلباء کے لیے پیش کیا گیا ہے اور امیدواروں کو کالج داخلے کے قومی امتحان میں بھی شرکت کرنا ہوگی۔