بیجنگ(شِنہوا)  ایک بین الاقوامی تحقیقی ٹیم نے ہماری کہکشاں ملکی وے کے سب سے قدیم معلوم ستارے کو دریافت کیا ہے۔تحقیقی نتائج سے یہ معلوم ہوا ہے کہ یہ ستارہ پہلی نسل کے ستاروں کے چھوڑے ہوئے گیس کے بادل میں پیدا ہوا جس کا حجم ہمارے سورج سے 260 گنا زیادہ ہے۔ اس دریافت سے سب سے پہلے پیدا ہونے والے ستاروں ،ملکی وے اور کائنات کے ارتقاء کے بارے میں بنی نوع انسان کی سمجھ میں بہتری آئی۔ چین کی اکیڈمی آف سائنسز(سی اے ایس) کے ذیلی ادارے قومی فلکیاتی رصد گاہوں(این اے او سی) میں چینی ماہرین فلکیات کی زیر قیادت نئی تحقیق گزشتہ روز جریدے  نیچر میں آن لائن شائع ہوئی۔ تحقیقی منصوبے کے رہنما ژاؤ گانگ نے کہا کہ پہلے پیدا ہونے والے ستاروں نے کائناتی طلوع  صبح کے دوران کائنات کو روشن کیا اور بگ بینگ کے بعد آنے والے کائناتی "تاریک دور" کا خاتمہ کیا۔ تاہم، ان کی کمیت کی تقسیم عظیم حل طلب اسرار میں سے ایک ہے۔