بیجنگ (شِنہوا) چین کی اعلیٰ قانون ساز اسمبلی قومی عوامی کانگریس کی قائمہ کمیٹی کا ایک مکمل اجلاس ہوا جس میں متعدد رپورٹس زیرغور آئیں۔

اجلاس کی صدارت کمیٹی کے وائس چیئرمین لی ہونگ ژونگ نے  کی۔ قومی عوامی کانگریس کی قائمہ کمیٹی کے چیئرمین ژاؤ لی جی نے بھی اجلاس میں شرکت کی ۔

اجلاس میں قانون سازوں نے ویٹ لینڈز تحفظ قانون کے نفاذ بارے رپورٹ پرغور کیا۔ رپورٹ میں ویٹ لینڈز کا تحفظ و بحالی مضبوط بنانے اور اس ضمن میں معاون قواعد و ضوابط بہتر بنانے کی تجویز دی گئی ہے۔

قانون سازوں نے سائنسی و تکنیکی پیشرفت کے قانون کے نفاذ بارے ایک رپورٹ دیکھی ۔ رپورٹ میں قانون کا نفاذ بڑھانے کے لئے اہم شعبوں میں بنیادی ٹیکنالوجیز میں حاصل کردہ بڑی کامیابیاں محفوظ بنانے کی کوششوں تیز کرنے سے متعلق اقدامات تجویز کئے گئے ہیں۔

اجلاس میں پیپلز بینک آف چائنہ کی مالی امور پر پیش کی گئی رپورٹ بھی زیرغور آئی اور 2022 کے لیے سرکاری اثاثوں کے انتظام بارے جامع رپورٹ کا جائزہ لیا گیا۔

قانون سازوں نے مالیاتی اداروں کے پاس موجود سرکاری اثاثوں کے انتظام بارے دو رپورٹس کا جائزہ بھی لیا۔

انہوں نے امتحانات اور اندراج کے نظام میں اصلاحات بارے ایک رپورٹ کا جائزہ لیا ، جس میں اعلیٰ معیار کے اعلی تعلیمی وسائل بڑھانے ، پرائمری اور سیکنڈری اسکولوں میں داخلے کا معیار اور طریقہ کار بہتر بنانے کی تجویز دی گئی تھی۔

اجلاس میں حیاتیاتی ماحول اور وسائل کے تحفظ سے متعلق ریاستی کونسل، سپریم پیپلز کورٹ اور سپریم پیپلز پروکیوریٹر کی پیش کردہ کارکردگی رپورٹس بھی جائزہ لیا گیا۔