بارسلونا، اسپین(شِنہوا)گاڑیوں کے ڈیلرزکی نیشنل ایسوسی ایشن (اینکوو) کے صدر ایرک ایگلیسیاس نے کہا ہے کہ چینی کار برانڈز سپین کے صارفین میں تیزی سے مقبول ہو رہے ہیں۔
ایرک ایگلیسیاس نے شِنہوا کو بتایا کہ سپین میں چینی کاروں کی فروخت میں اضافے کے لیے نامور برانڈز کی جانب سے پیش کردہ معیار کے ساتھ ساتھ مسابقتی قیمتیں اس سلسلے میں اہم کردار ادا کر رہی ہیں۔
انہوں نے کہا کہ چینی کاروں کی بڑھتی ہوئی مقبولیت کی ایک مثال اگست میں دیکھی گئی جب ایم جی زیڈ ایس نامی ایس یو وی سپین میں سب سے زیادہ فروخت ہونے والی گاڑی بن گئی جو سپین کی فروخت کی درجہ بندی میں سرفہرست مقام حاصل کرنے والی پہلی چینی ساختہ گاڑی ہے جبکہ یہ سلسلہ ستمبر میں جاری رہا۔
اینکوو کے سربراہ نے کہا کہ چینی ساختہ کاروں کا معیار یورپی کاروں کے برابر ہےجبکہ انہوں نے اس یقین کا اظہار کیا کہ چینی ساختہ کاروں کی فروخت میں اضافہ مستقبل میں بھی جاری رہے گا۔
