بیجنگ(شِنہوا) تیانگونگ خلائی اسٹیشن میں موجود چین کے شینژو-16 خلابازوں نے نئے سمسٹر کے پہلے دن  ملک بھر کے پرائمری اور سیکنڈری اسکولوں کے طالب علموں کی حوصلہ افزائی کرتے ہوئے کہا  وہ اپنے خوابوں کا تعاقب کریں۔

ایک ویڈیو لنک کے ذریعے خلا میں ملک کے پہلے فلائٹ انجینئر ژو یانگژو نے طالب علموں پر زور دیا کہ وہ پر عزم رہیں۔

انہوں نے مزید کہا کہ آسمان میں پرواز کرنے کا ان کا خواب کبھی ختم نہیں ہوا۔

بیہانگ یونیورسٹی کے پروفیسر اور خلا میں جانے والے ملک کے پہلے سویلین خلاباز گوئی ہائیچاؤ نے طالب علموں کو پُر تجسس  رہنے کی ترغیب دی۔

انہوں نے کہا کہ  20 سال قبل جب وہ سیکنڈری اسکول کے طا لب علم تھے تو  انہوں نے اسکول کے ریڈیو سے یہ خبر سنی تھی کہ شینزو۔5 خلائی جہاز کامیابی کے ساتھ لانچ کر دیا گیا ہے۔ خلا کے بارے میں ان کے تجسس نے انہیں فیصلہ سازی اور استقامت میں رہنمائی کی ہے۔

شینژو-16 مشن کے کمانڈر جنگ ہائی پھنگ چار بار خلا میں جانے والے پہلے چینی خلاباز ہیں۔

انہوں نے طالب علموں کو اپنے خوابوں پر قائم رہنے کی ترغیب دیتے ہوئے کہا کہ انہوں نے اپنی پہلی خلائی پرواز سے دس سال قبل تیاری کی تھی۔