بیجنگ(شِنہوا) چین کے تیان گونگ خلائی اسٹیشن پرموجود شینژو-15 کے خلابازوں نے دوسری بار خلا میں چہل قدمی کی ہے۔ 

چین کی انسان بردار خلائی ایجنسی کے مطابق فیی جون لونگ اورژانگ لو خلا میں چہل قدمی کے بعد بحفاظت وینتیان لیب ماڈیول میں واپس آگئے،اس دوران ٹاسک کو مکمل کرنے کے لئے خلائی اسٹیشن کے اندر رہتے ہوئے ڈینگ چھنگ منگ نے اپنے دونوں ساتھی خلابازوں کی معاونت کی۔

چین کے تینوں خلاباز 30 نومبر 2022 کو خلائی اسٹیشن کے کامبی نیشن میں داخل ہونے کے بعد سے تین ماہ سے خلامیں موجود ہیں۔ خلابازوں نے مختلف امور سرانجام دیے ہیں ،جن میں دوبارخلائی اسٹیشن سے باہر کی سرگرمیاں، خلائی اسٹیشن کی مسلسل دیکھ بھال، وینتیان اور مینگ تیان لیب ماڈیولز کی سائنسی تجرباتی کیبنٹس کی اسمبلنگ اور ٹیسٹنگ اور کارگو آؤٹ بورڈ بھیجنا شامل ہیں۔